काभ्रे,देबराज उप्रेती,
काभ्रेपलाञ्चोक जिल्लाको भकुन्डेबेशीमा तनाव अवस्था सृजना भएको छ । गलत दिशाबाट आएको बसको ठक्करबाट बालिकाको मृत्यु भएपछि भकुन्डे यतिबेला तनावग्रस्त बनेको छ । बनेपाबाट खार्पाचोक कालिन्चोक आउदै गरेको बा २ ख ७३४२ नम्बरको यात्रुबाहक बसको ठक्करबाट ८ वर्षीया बालिका दिविशा अधिकारीको घटनास्थलमै मृत्यु भएको हो । मृत्तकका आफन्तले लाश उठाउन दिएका छैनन् । बस चालक भने फरार रहेका छन् । मृतकको आफन्त र स्थानीय बासिले बसमा आगजनी तथा तोडफोड गरिएको छ भने यतिबेला बीपी राजमार्ग यतायात ठप्प भएको छ । थप अनुसन्धान भईरहेको छ ।
