काभ्रे,
काभ्रेपलाञ्चोक जिल्लाको मण्डनदेउपुर नगरपालिकामा मरेका पशुहरुमा रेबिज संक्रमण नभएको पुस्टि भएको छ । नगरभित्रका गाईहरु एकाएक गाई मर्न थालेपछि रेबिज संक्रमणको अनुमान गरिएको थियो । रेबिज सँग मिल्दोजुल्दो लक्षय सहित गाईहरु मर्न थालेपछि स्थानिय त्रसित भएका थिए । मरेर गाडेका पशु र कुकुर लाई उत्खनन गरि आज रेबिज टेस्ट गर्दा रेबिज नेगेटिभ आएको हो ।
पशुहरुको पाचन प्रणलिमा समस्या भएका कारण नखाने, झोकर्याउने, ज्वरो आउने, झाडा पखाल लाग्ने र अन्तिममा मर्ने गरेको हुनसक्ने नगरपालिका स्वास्थ्य अधिकृत दिपक घिमिरेले रेडियो रोशीलाई जानकारि दिनुभएको छ ।
