काभ्रे,
गृहमन्त्री सुधन गुरुङ आज रोशी खोला र बीपी राजमार्गको अवस्थाबारे जानकारी लिन स्थलगत निरीक्षणमा आउने भएका छन् । वर्षायाममा हरेक वर्ष आउने बाढीका कारण स्थानीयवासीले समस्या भोग्दै आएको गुनासो बढेपछि उक्त क्षेत्रको प्रत्यक्ष अवलोकन गर्न आउन लाग्नुभएको हो । गृहमन्त्री गुरुङसहितको टिम ९ बजे काठमाडौंबाट काभ्रे प्रस्थान गर्ने उहाँको सचिवालयले जनाएको छ ।
निरीक्षणका क्रममा उहाँले बाढी प्रभावित क्षेत्रको वर्तमान अवस्था र उच्च जोखिममा रहेका बस्तीको वस्तुस्थितिबारे जानकारी लिनुहुने बताईएको छ । निरीक्षणपछि गृहमन्त्रीले त्यहाँको पूर्वाधार संरक्षण र दीर्घकालीन सुरक्षाका लागि सम्बन्धित निकायलाई आवश्यक तयारी तथा समन्वयका लागि निर्देशन दिनुहुने छ ।
