काभ्रे,
राजधानी पूर्वको मुख्य ब्यापारिक केन्द्र बनेपामा प्राचीन बनेपा महोत्सव हुने भएको छ । काभ्रे युवा उद्यमी मञ्चको आयोजनामा माघ १ गते माघेसंक्रान्तिको दिन ‘प्राचीन बनेपा महोत्सव’ हुन लागेको हो । महोत्सव प्राचीन बनेपा क्षेत्रमा हुनेछ । बिहान ९ बजेबाट सुरु हुने महोत्सव बेलुका ६ बजेसम्म चल्ने बताईएको छ । एकदिने खुला महोत्सवको मुख्य उद्देश्य साँस्कृतिक सम्पदा र संस्कृतिको प्रबद्र्धन गरि पर्यटन विकास मार्फत युवा उद्यमशिलताको विकासमा टेवा पुर्याउनु रहेको मञ्चका अध्यक्ष सरोज काजी श्रेष्ठले बताउनुभयो ।
महोत्सवमा पुख्र्यौली सांस्कृतिक बाजागाजा, सांस्कृतिक नाच, बनेपाका पुराना फोटो तथा पेन्टिङ, बनेपाको स्थानीय उत्पादन र डकुमेण्ट्री प्रर्दशन गरिनेछ । त्यस्तै नेवारी परिकार, भेषभुषा महोत्सवमा राखिनेछ । महोत्सवमा नेवार समुदायको रञ्जना लिपी लेखन कार्यक्रम पनि हुने बताईएको छ ।
