रोशी सहकर्मी–फागुन ३,
२०७६,तेमाल/

नेपाल शिक्षक संघ तेमाल गाँउकार्य समितिको दोश्रो प्रतिनिधि सभा तथा शिक्षक सम्मान कार्यक्रम सम्पन्न भएको छ । नेपाली कांग्रस निकट भातृ संगठन नेपाल शिक्षक संघले आज एक कार्यक्रम गर्दै सभा सम्पन्न गरेको हो ।
साथै तेमाल गाँउपालिकामा भएका संघमा आवद्ध स्थायी हुन सफल शिक्षकहरुलाई प्रमुख अतिथि नेपाल शिक्षक संघ बाग्मती प्रदेशका अध्यक्ष नारायण प्रसाद तिमल्सिनाले सम्मान गरेका थिए ।

प्रमुख अतिथि तिमल्सिनाले २०७५/०७६ मा स्थायी हुन सफल शिक्षकहरुलाई सम्मान गर्दै उनले गाँउपालिकामा भएका २ सय ८८ जना शिक्षकरु सबैलाई कसरी संघमा आवद्ध गराउन सकिन्छ भन्नेमा जोड दिनुपर्ने बताए । कम्युनिष्ट सरकारले विभिन्न निरंकुसबादि नियम कानुन ल्याएको स्मरण गराँउदै यस्तो काममा नेपाल शिक्षक संघले निरन्तर खबरदारी गर्दै आएको बताए । साथै तेमाल गाँउपालिकाले अनुकरणिय र उदाहरणीय काम गर्न भन्दै सुझाएका थिए ।

कार्यक्रममा बोल्दै गाँउपालिका अध्यक्ष सलाम सिं लामाले स्थायी हुन सफल शिक्षकहरुलाई शुभकामना दिए । शिक्षकहरुले राम्रो काम गरेमा स्वागत र सम्मान गर्ने तर गलत गरेमा दण्ड पनि गर्ने बताए । हामीले जे बोल्छौँ, त्यहि गर्छौ भन्दै उनले सकारात्मक विकासमा गाँउपालिकाले सदैव साथ दिने प्रतिवद्धता व्यक्त गरे ।
त्यस्तै उपाध्यक्ष दुर्गामाया तामाङले सम्मानीत हुने शिक्षकहरुलाई आफुले पाएको जिम्मेवारी राम्रो सँग पुरा गर्न अनुरोध गरीन् । शिक्षकहरुबाट पाएको सकारात्मक शिक्षाका कारण नै आज यस स्थान सम्म पुग्न सकेको स्मरण गर्दै आगामी दिनमा शिक्षकहरुको जायज मागलाई गाँउपालिकाले हरेक तवरबाट पुरा गर्ने बताईन् ।
नेपाल शिक्षक संघ तेमाल गाँउ कार्य समितिका अध्यक्ष बाबुलाल तामाङको सभापतित्व रहेको कार्यक्रममा तेमाल गाँउपालिकाका प्रवक्ता ज्ञान बहादुर तामाङ, बिभिन्न वडाका जनप्रतिनिधिहरु, नेपाल शिक्षक संघ जिल्ला कार्यसमितिका सचिव श्री शम्भु प्रसाद घिमिरे, नेपाल शिक्षक संघ संघिय प्रतिनिधि हिरामान लामा, तेमाल गाँउपालिकाका सभापति तेमाल सिं लामा, नारायणस्थान माध्यमिक विद्यालयका प्रधानअध्यापक यज्ञ प्रसाद दाहाल, संघमा आवद्ध बिभिन्न व्यक्तित्वहरुको उपस्थिति रहेको थियो ।
कार्यक्रममा संघको आर्थिक प्रतिवेदन अर्थ सचिव भिम लाल तामाङले प्रस्तुत गरेका थिए भने संघका जिल्ला सहसचिव दिलकुमार मोक्तानले स्वागत मन्तव्य राखेका थिए ।

Facebook Comments