रोशी सहकर्मी–चैत्र २६,
२०७६,नुवाकोट/

विश्वव्यापी कोरोना महामारीसँग जुध्ने अभियानका बीच नुवाकोटको दक्षिणी भेगमा रहेको तारकेश्वर गाउँपालिकामा घरघरै पुगेर मास्क वितरण गरिएको छ । स्थानीयवासी तथा गन्तव्य नेपाल समूहका अध्यक्षसमेत रहेका युवा शिव अधिकारी अविरलको संयोजनमा तारकेश्वर गाउँपालिकाकाका ६ वटै वडामा गरी कुल १० हजार ७ सय थान मास्क तथा ३ सय थान स्यानिटाइजर वितरण गरिएको छ ।

यस्तै, नुवाकोटको उत्तरपश्चिमी भेगमा रहेको किस्पाङ गाउँपालिकाका लागि व्यक्तिगत सुरक्षा उपकरण हस्तान्तरण गरिएको छ । विश्वव्यापी कोरोनाको महामारीसँग जुध्ने अभियानका बीच नुवाकोटको किस्पाङ गाउँपालिकाका लागि गन्तव्य नेपाल समूहले किस्पाङ गाउँपालिका भित्र सेवामा खटिने स्वास्थ्यकर्मीहरुको सुरक्षाका लागि १० थान व्यक्तिगत सुरक्षा उपकरण हस्तान्तरण गरिएको हो ।

Facebook Comments Box