यश कुमार परियार–बैशाख १३,
२०७,काभ्रे/

काभ्रेमा रहेको रेडियो रोशी १०१ थोप्लो ६ मेगाहर्जले रेडियो कक्षा संचालनमा ल्याएको छ । सेभ द चिल्डे«नको सहयोग मार्फत नमोबुद्ध नगरपालिका, नाङशाल एसोशिएसन नेपाल र रेडियो रोशीको संयुक्त आयोजनामा एसईई विद्यार्थि र आधारभुत तहका विद्यार्थि लक्षित कार्यक्रमहरु प्रशारण भईरहेको छ ।

कोरोना भाईरस अर्थात कोभिड १९ संक्रमण हुन सक्ने भन्दै सम्पुर्ण शैक्षिक संस्थाहरु बन्द छन् र एसईई परिक्षा स्थगित भईसकेको छ । लकडाउनको समयमा एसईई परिक्षाको तयारीमा रहेका विद्यार्थिहरुको सिकाईमा असर पर्ने भएपछि रेडियो रोशीले शनिबार बाहेक दैनिक ४ घण्टा “एसईई पुनर्ताजगी कक्षा” नमाक रेडियो कार्यक्रम प्रशारण गर्दै आएको छ । यस कार्यक्रममा ५ वटा मुख्य मुख्य विषयका शिक्षकहरुको सहभागिता रहने छ । त्यस्तै आधारभुत तहका बालबालिकाहरुका निमित्त हाम्रो स्कुल नामक कार्यक्रम प्रशारण भईरहेको छ । यस कार्यक्रममा दैनिक फरक फरक विषयका शिक्षकहरुको सहभागिता हुने गरेको छ ।

ग्रामिण भेगमा रेडियो स्थापना गरेको र यसै क्षेत्र लक्षित कार्यक्रमहरु प्रशारणबाट लोकप्रियता कमाईरहेको रेडियो रोशीले बन्दाबन्दिको समयमा ईन्टरनेटको पहुँचमा नभएका विद्यार्थिहरुलाई लक्षित गर्दै यस कार्यक्रम ल्याएको स्टेसन म्यानेजर गुणराज मुक्तानले बताए । लकडाउनमा विद्यार्थिहरुको सिकाईमा प्रत्यक्ष प्रभाव परिरहेका कारण रेडियो कक्षा संचालनमा ल्याएको उनको भनाई छ ।

सम्पुर्ण शैक्षिक संस्थाहरु बन्द भईरहेको बेला विद्यार्थिहरुमा मानसिक समस्या आउन सक्ने विज्ञहरु बताँउछन् । यसै कुरालाई मध्यनजर गर्दै उनिहरुको सिकाईमा कमी आउन नदिनका निमित्त विद्यार्थि लक्षित कार्यक्रम ल्याएको स्टेसन म्यानेजर मुक्तानको भनाई छ ।

Facebook Comments Box