काभ्रे,
भौतिक पूर्वाधार तथा यातायातमन्त्री प्रकाश ज्वालाले सरकारले बीपी राजमार्गको विस्तार तथा सुरुङ मार्ग निर्माणको विषयमा जापान सरकारसँग छलफल गरी काम अघि बढाउने बताउनुभएको छ । आज धुलिखेलमा आयोजित पत्रकार सम्मेलनमा मन्त्री ज्वालाले आगामी जापान भ्रमणको क्रममा बीपी राजमार्ग विस्तार र सुरुङ मार्ग निर्माणको विषयमा छलफल गर्ने प्रतिबद्धता जनाउनुभएको हो । बीपी राजमार्गको धुलिखेलदेखि बर्दिबाससम्मको सडक विस्तार तथा सिन्धुलीको चियाबारीदेखि खुर्कोटसम्म सुरुङ मार्ग निर्माणको विषयमा जापान भ्रमणमा छलफल हुने उहाँको भनाइ छ ।
उहाँले सरकारले सूर्यविनायकदेखि रत्नपार्कसम्म दु्रतबस सेवा सञ्चालनको तयारी अघि बढाएको जानकारी दिँदै नवीकरणलगायतको कामको राजस्व अनलाइनबाट बुझाउने काम पोखराबाट सुरु भएको बताउनुभयो । यातायात क्षेत्रको सबै सूचना प्राप्तिका लागि सडक ऐप बनाउने काम सुरु भएको उँहाको भनाइ छ ।
