काभ्रे,
काभ्रे जिल्लाको रोशी गाउँपालिकाले आगामी आर्थिक बर्ष २०८१÷०८२ का लागि ६९ करोड २० लाख ९८ हजार बजेट ल्याएको छ । गाउँ सभाको १५औँ अधिवेशनमा गाउँपालिकाका उपाध्यक्ष मिमबहादुर वाईबाले नेपाल सरकार, प्रदेश सरकार एवं गाउँपालिकाको आन्तरिक श्रोत सहित प्राप्त हुने कुल ६९ करोड २० लाख ९८ हजार आय र सोही बमोजिमको व्यय हुने गरी आयोजना तथा कार्यक्रमहरु प्रस्ताव गर्नुभएको हो ।
जसमध्ये आन्तरिक स्रोतबाट १ करोड २४ लाख ८४ हजार, स्थानीय राजश्व बाँडफाँडबाट ४ करोड ४० लाख, संघीय राजश्व बाँडफाँड बाट १० करोड ६५ लाख, प्रदेश राजश्व बाँडफाँडबाट ३ करोड ९६ लाख ५८ हजार, संघीय सरकार समानीकरणबाट १० करोड ३० लाख, संघीय सशर्त अनुदान बाट ३१ करोड १३ लाख ९३ हजार, संघीय समपुरक अनुदान १ करोड, प्रदेश सरकार समानीकरण ९८ लाख ९३ हजार, प्रदेश सरकारको सशर्त अनुदान ३ करोड १० लाख ७० हजार र प्रदेश सरकारको समपुरक अनुदान २ करोड प्रस्ताव गरेकोमा सभाले सर्वसम्मत पास गरेको छ ।
गाउँसभाको १५औँ अधिवेशनमा गाउँपालिका अध्यक्ष दिनेश लामाले आर्थिक बर्ष २०८१÷०८२ का लागि विभिन्न बार्षिक नीति तथा कार्यक्रम प्रस्तुत र्गुभएको थियो ।
अध्यक्ष लामाले प्रस्तुत गर्नुभएकोे नीति तथा कार्यक्रममा सामाजिक बिकास अन्र्तगत ‘सुत्केरी आमा पोषिलो खाना’ कार्यक्रमका लागि निःशुल्क एम्बुलेन्स सेवा, सुत्केरी घरभेट, ग्रामिण भिडियो एक्सरे लगायतलाई प्राथमिकता दिईएको छ । त्यस्तै ‘हिंसा मुक्त गाउँपालिका मा हाम्रो पहिचान’ अभियान सञ्चालन गरी सबै खाले हिंसा विरुद्ध शून्य सहनशिलता नीति लिने छ । त्यसरी नै एक घर एक धारालाई निरन्तरता दिने अध्यक्षले कार्यक्रम प्रस्तुत गर्नुभएको नीति तथा कार्यक्रममा उल्लेख गरीएको छ ।
त्यसरी नै एक घर एक पशु बीमा कार्यक्रम, एक टोल एक सामुहिक कृषि उत्पादन, एक वडा एक बिशेष उत्पादन र पालिकामा एक उत्पादन क्षेत्र लगायतको कार्यक्रम प्रस्तुत भएको छ । गाउँसभाको १५ औँ अधिवेशनमा गाउँपालिका अध्यक्ष लामाले पेश गरेको बार्षिक नीति तथा कार्यक्रम सभाले सर्वसम्मत पास गरेका छन् ।
सभामा उपाध्यक्ष वाईबाले बार्षिक बजेट तथा कार्यक्रम, विनियोजन विधेयक तथा आर्थिक विधेयक, न्यायिक समितिको प्रगति प्रतिवेदन र प्रवक्ता तथा वडा नं. १२ का वडाध्यक्ष बसन्तकुमार स्यांतानले बार्षिक प्रगती प्रतिवेदन प्रस्तुत गरेकोमा सभाध्यक्ष तथा गाउँपालिका अध्यक्ष लामाले निणर्यार्थ सभामा पेश गरेकोमा सर्वसम्मतले पास गरेका छन् ।
