काभ्रे,
काभ्रे बनेपाका तुल्सीराम श्रेष्ठले जापानको टोकियोमा सम्पन्न दोश्रो विश्व केनसिनकान कराँते प्रतियोगितामो दोश्रो उपाधी हात पार्नुभएको छ। ७५ केजी तौल समुह तर्फ विजेता बन्दै फाईनल प्रवेश गरेका तुल्सीराम जापानी खेलाडी कामाता सिनसंग प्रतिस्पर्धामा थिए । काभ्रेको बनेपाबाट उक्त प्रतियोगिताका लागि चौथो डान हरिगोपाल मानन्धर ७० किलो तौल समुह, तेश्रो डानद्धय दिपु अधिकारी ७० किलो तौल समुह र सुरेश श्रेष्ठ खुल्ला समुह सेमिफाईनलबाट बाहिरिएका थिए । पहिलो खेलमा जापानी खेलाडीलाई पराजित गरे पनि अर्काे राउण्डमा जापानी खेलाडीसँग उनिहरु पराजित भएका थिए । काभ्रेको बनेपाबाट सहभागि भएका उनिहरु मध्ये तुल्सीराम मात्रै उपविजेता बन्न सफल भएका हुन् ।
केनसिनकान कराँतेमा पाँचौ डान रहेका तुल्सीरामले क्वाटर र सेमीफाईनलमा दुई जापानी खेलाडीलाई पराजित गरि फाईनल प्रवेश गरेका थिए । फाईनल खेलमा उनी दोश्रो भई उपाधीसँगै ट्रफि हात पार्न सफल भए । टोकियो योयोगी पार्क हलमा भएका खेलमा नेपाली खेलाडीहरुलाई हौसला प्रदान गर्न चर्चित नेपाली किक बक्सर मोहन ड्रागन, एन्फा जापानका प्रमुख शिव खड्का लगायतका नेपालीहरु जापान पुगेका थिए । प्रतियोगितामा नेपाल सहित जापान, अमेरिका, इरान, पोल्याण्ड लगायतका मुलुकका खेलाडी सहभागि थिए ।
