रेडियो रोशी,
काभ्रे जिल्लाको रोशी गाउँपालिकामा तीज विशेष कार्यक्रम हुने भएको छ । आज (सोमबार) गाउँपालिकाका प्रमुख प्रशासकीय अधिकृत राम बहादुर तामाङले एक सूचना जारी गरि सो कार्यक्रमको जानकारी गराउनुभएको हो । “मौलिक संस्कृतिलाई जोगाऔं, भड्किलो विकृतिलाई रोकौं” भन्ने मूल नाराका साथमा रोशी गाउँपालिकाको आयोजनामा २०८० सालको महिला दिदी बहिनीहरुको महान पर्व हरितालिका तीज विशेष कार्यक्रम हुनेभएको हो । उक्त तीज विशेष कार्यक्रममा इच्छुक महिला दिदी बहिनीहरुलाई उपस्थितिका लागि अनुरोध गरीएको छ । भदौ २९ गते कार्यक्रम हुने भएको प्रमुख प्रशासकीय अधिकृत तामाङले जारी गरेको सूचनामा जनाईएको छ । सो सूचना अनुसार भदौ २९ गते दिउँसो ११ बजेदेखि ३ बजेसम्म गाउँपालिकाको सभाहल हुने भएको छ ।
उक्त कार्यक्रममा सहभागी हुन चहनेहरुको लागि सम्पर्क व्यक्ति पनि चयन गरेको छ । जस अनुसार कार्यपालिका सदस्य रीता कोइराला ९८१०३१८६८१, सामाजिक विकास शाखाका अधिकृत रञ्जना चौलागाई ९८६०१९७२८५ र कर्मचारी सुस्मिता गौतम ९८४१३२६८०० रहेका छन ।
