काभ्रे,
इजरायलमा रहेकामध्ये २ सय ५३ नेपाली आज राति काठमाडौँ आइपुग्ने भएका छन् । नेपाल फर्कनका लागि करिब ४ सय जनाले निवेदन दिएका मध्ये पहिलो चरणमा २ सय ५३ नेपालीहरुलाई नेपाल ल्याउन लागिएको हो । इजरायलमा जारी द्वन्द्वका कारण प्रभावित नेपाली लिन नेपाल वायु सेवा निगमको जहाज बिहान त्यसतर्फ गएको थियो ।
नेपालीलाई लिएर इजरायलबाट उडेको जहाज आज राति सवा ९ बजे काठमाडौँ आइपुग्ने छ । परराष्ट्र मन्त्री साउद पनि इजरायल जानुभएको थियो । विद्रोही समूह हमासको आक्रमणमा परी १० नेपाली विद्यार्थीको मृत्यु भएको थियो । उनीहरूको शव भने पोस्टमार्टमलगायत कानुनी प्रक्रिया पूरा गर्न बाँकी रहेकाले नेपाल ल्याउन अझैँ केही समय लाग्ने सरकारले जनाएको छ ।
