काभ्रे,
काभ्रे जिल्लाको पाँचखाल नगरपालिका–४ समाजकल्याणचोकमा विद्युत सर्ट भइ आगलागी हुँदा चारवटा कपडा पसल पूर्णरुपमा नष्ठ भएको छ । आज बिहान करिब ६ः१५ को समयमा समाजकल्याण चोकस्थित उद्धव प्रसाद तिमल्सिनाको घरको सटरमा विद्युत सर्ट भइ आगलागी भएको हो । आगलागीबाट तिमल्सिनाको घरमा रहेको नौ वटा सटरमध्ये चारवटा सटरको कपडा पसल जलेर पूर्ण रुपमा नष्ट भएका छन् भने अन्य ३ वटा होटल, एक मोबाइल पसल र एक मासु पसलमा आंशिक क्षति भएको पुगेको छ ।
मानवीय क्षती भने नभएको प्रहरीको भनाइ छ । नेपाल प्रहरी, एपिएफ स्थानीय र दमकलको सहयोगमा आगोलागी नियन्त्रणमा आएको प्रहरीले जनाएको छ । क्षतीको विवरण एकिन भइनसकेको जानकारी प्रहरीले जानकारी दिनुभयो ।
