काभ्रे,
जिल्ला समन्वय समिति काभ्रेको आयोजनामा काभ्रे जिल्लाको तीन वटा पालिकाको त्रैमासिक समिक्षा सम्पन्न भएको छ । नमोबुद्ध नगरपालिकाको सभाहलमा नमोबुद्ध नगरपालिका, रोशी गाउँपालिका र तेमाल गाउँपालिकाको आर्थिक बर्ष २०८०–८१ को प्रथम त्रैमासिक अवधीको समिक्षा गरिएको हो । बाग्मती प्रदेशका खानेपानी, उर्जा तथा सिंचाइमन्त्री तीर्थ लामाले कार्यक्रमको उद्धघाटन गर्नुभएको थियो । चालु आर्थिक बर्षको ३ महिनाको अवधीमा भएको आर्थिक, भौतिक प्रगतिको समिक्षा गरिएको हो ।
रोशी गाउँपालिकाको तर्फबाट प्रमुख प्रशासकीय अधिकृत रामबहादुर तामाङ र तेमाल गाउँपालिकाको तर्फबाट प्रमुख प्रशासकीय अधिकृत राजन पाण्डे र नमोबुद्ध नगरपालिकाको तर्फबाट योजना अधिकृत विष्णुकुमार अधिकारीले समिक्षा प्रस्तुती गरेका थिए । कार्यक्रममा जिल्ला समन्वय समितिका पदाधिकारी, स्थानीय तहका प्रमुख,उपप्रमुख, अध्यक्ष, उपाध्यक्ष, राजनीतिक दलका प्रमुख, वडाअध्यक्ष, सञ्चारकर्मी एवम् कर्मचारीको उपस्थिती थियो ।
