रोशी सहकर्मी–भदौ १३,
२०७७,काभ्रेपलाञ्चोक/

काभ्रेपलाञ्चोक जिल्लामा दिनप्रतिदिन कोरोना संक्रमितको सख्या बढ्दै गइरहेको छ । कोरोनाको संक्रमण बढेसँगै बीमा गर्ने पनि बढ्दै छन । तर कतिपय मानिस भने आर्थिक अवस्था कमजोर रहे कै कारण कोरोना बीमाबाट बञ्चित भएका छन ।

यस कुरालाई मध्येनजर गरेर धुलिखेल नगरपालिका वडा न ९ काभ्रेभज्ञ्याङका वडा सभापति बिदुर बस्नेतले कुल लागतको ६० प्रतिशत रकम आफूले व्यक्तीगत तिरेर कोरोना बीमा गराइदिने घोषणा गर्नुभएको छ । उहाँले वडाका नागरिकको बीमा गराउने बताउनुभयो । मैले वडा न ९ मा रहेका सबैको नागरिकको बीमा गराउँछु भनेर शुक्रबार घोषणा गरेको छु । १५ दिनभित्रमा सम्पर्कमा आउनेको कुल रकमको ६० प्रतिशत रकम व्यहोरेर एक लाख बराबरको कोरोना बीमा गराइदिने छु ।

अझ दलित र पिछडिएका परिवारमा कोरोना बीमा हुन्छ भन्ने जानकारी हुँदा हुँदै पनि आर्थिक अभाव कै कारण गर्न नसकेको गुनासो आएपछि आफूले व्यक्तीगत रुपमा बीमा गरिदिने घोषणा गरेको बताउनुभयो । उहाँले अत्यन्तै आर्थिक अवस्था कमजोर रहेकाको निःशुल्क समेत गरिदिने बताउनुभयो ।
जग्गा व्यवसायी समेत रहनुभएका बस्नेतले बार्षिक कमाएको १० देखी १५ प्रतिशतसम्म समाजसेवामा खर्च गर्ने गरेको बताउनुभयो । उहाँले मठमन्दिर, सडक निर्माण लगायत क्षेत्रमा सहयोग गर्दै आउनुभएको छ ।

Facebook Comments