काभ्रे,रेडियो रोशी,
काभ्रे जिल्लाको रोशी गाउँपालिकाले न्यूनतम रोजगारीमा संलग्न हुनको लागी पालिकाभित्रका बेरोजगार व्यक्तिहरुसँग आवेदन माग गरेको छ । सार्वजनिक विकास निर्माणका काममा योगदान गर्न ईच्छुक १८ बर्ष पुरा भई ५९ वर्ष उमेर समूहका बेरोजगार ब्यक्तिहरुसँग पालिकाले आवेदन माग गरेको हो ।
गाउँपालिकाले आज एक सुचना जारी गर्दै प्रधानमन्त्री रोजगार कार्यक्रम अन्तर्गत आर्थिक बर्ष २०८१÷०८२ मा रोशी गाउँपालिका मातहत रहेको रोजगार सेवा केन्द्रको समन्वयमा प्रदान गरिने न्यूनतम रोजगारीमा संलग्न भई सार्वजनिक विकास निर्माणका काममा योगदान गर्न ईच्छुक बेरोजगार व्यक्तिहरुलाई न्यूनतम रोजगारीमा संलग्न हुन आग्रह गरेको हो ।
यसका लागि आफूले स्थायी रुपमा बसोबास गरेको वडा कार्यालयबाट निवेदन प्राप्त गर्न सकिने प्रमुख प्रशासकीय अधिकृत राम बहादुर तामाङद्धारा हस्ताक्षरीत सुचनामा उल्लेख गरीएको छ ।
फागुन मसान्त सम्ममा आवश्यक कागजातहरुः निवेदकको नेपाली नागरिकता प्रमाणपत्रको प्रतिलिपी, निवेदकको १ प्रति पासपोर्ट साईजको फोटो, निवेदकको परिवारका अन्य सम्पूर्ण सदस्यहरुको नागरिकता प्रमाण पत्र वा नागरिकता नभएको हकमा जन्म दर्ता प्रमाण पत्रको प्रतिलिपी र विवाहित महिला तथा बसाईसराई गरेको अवस्था भएमा विवाह दर्ता तथा बसाईसराई दर्ताको प्रमाणपत्रको प्रतिलिपि सहित गाउँपालिकामा निवेदन दिनुहुन पालिकाभित्र बसोबास गर्ने सम्पुर्ण बेरोजगार ब्यक्तिहरुमा गाउँपालिकाले आग्रह गरेको छ ।
