रोशी सहकर्मी–असोज ४,
२०७७,पार्थली/

बेथानचोक गाउँपालिकाले पर्यटक आकर्षित गर्न भ्यू टावर बनाएको छ । गाउँपालिका वडा न ४ को गुम्बु डाँडामा भ्यू टावर निर्माण गरेको हो ।
बेथानचोक गाउँपालिकाको २० लाख र वडा न ४ को आठ लाख रुपियाँ सहित २८ लाख रुपियाँमा भ्यू टावर निर्माण भएको वडा न ४ का वडा अध्यक्ष लालबहादुर श्रेष्ठले जानकारी दिनुभयो ।

बेथानचोक गाउँपालिकाको वडा न ३, ४ र ५ नम्बर वडाको संगमस्थल रहेको उक्त क्षेत्रबाट गाउँपालिकाको वडा न १ बाहेक अन्य पाँच वटै वडा देखिने छन । त्यस्तै धुलिखेल, बनेपा, पनौती, दोलखा, रामेछाप, सिन्धुली लगायतका क्षेत्र भ्यू टावरबाट देख्न सकिने भएपछि यति खेर आन्तरिक पर्यटकको आगमन बढ्न थालेको स्थानीयको भनाई छ ।

बन्दाबन्दीका बीच मै काम सम्पन्न गरेको थियो । भ्यू टावरबाट विभिन्न हिमाल नजिकैबाट देख्न सकिने स्थानीय डिकमान लामाले जानकारी दिनुभयो । उपत्यकाबाट नजिकै रहेकाले अहिले भ्यू टावरमा जाने आन्तरिक पर्यटक बढी रहेको उहाँको भनाई छ ।

यो सँगै गाउँपालिकामा रहेका अन्य पर्यटकीय स्थल जिल्ला कै उच्च स्थान बेथान नारायणस्थानको मन्दिर, कपेर महाँकाल मन्दिर, थानी महाँकाल, शिव गुफा, तिलेश्वर महादेव मन्दिर, कामीडाँडा, थामडाँडा लगायतका महाभारत श्रृंखलाहरु रहेकोले पर्यटनको आर्कषण बढेको स्थानीयको भनाई छ ।

Facebook Comments Box