काभ्रे,
जङ्गलबाट गाउँमा प्रवेश गरेको आगोले रामेछापमा २६ घर गोठ जलेर नष्ट भएका छन् । बस्ती नजिकैको जङ्गलबाट गाउँमा प्रवेश गरेको आगोले रामेछापको टार भन्ने गाउँमा २६ वटा घर गोठ जलेर नष्ट भएका हुन् । बाक्लो बस्ती रहेको टार गाउँका अधिकांश घरहरू जलेको अवस्थामा छन् । टारका स्थानीय रामेछापको बिहीवारे हाटमा गएको समयमा आगलागी हुँदा धेरै क्षती भएको वडा नं ९ का वडाअध्यक्ष चन्द्र श्रेष्ठले जानकारी दिनुभयो ।
आगलागीबाट १४ वटा घर र १२ वटा गोठ जलेर नष्ट भएका छन् । आगलागीकामा परि धनमाल, अन्नपात, लत्ताकपडा सबै जलेर खरानी भएका छन् भने गोठमा बाँधिएका भैँसी, गोरु र ५० वटाभन्दा बढी खसी, बाख्रा जलेका छन् । बस्ने घर, खाने अन्न र ओढ्ने कपडा सबै जलेर खरानी भएपछि उनीहरू निकै पिडामा छन् ।
