काभ्रे,
पोखरालाई आज नेपालको पर्यटकीय राजधानी घोषणा गरिँदै छ । लामो समयदेखि नै पोखरालाई पर्यटकीय राजधानी मान्दै आए पनि अब भने औपचारिकरूपमै पोखरा पर्यटकीय राजधानी घोषणा गरिने भएको हो । हिजो पत्रकार सम्मेलनमार्फत पोखरा महानगरपालिकाका मेयर धनराज आचार्यले पर्यटन क्षेत्रको विकासले पोखरा र गण्डकी प्रदेशकै अर्थतन्त्रमा सहयोग पुग्ने बताउनुभयो । पोखरालाई पर्यटकीय राजधानीको रूपमा विकास गर्ने हेतुले आगामी बजेटलाई केन्द्रित गरेर पनि छलफल गर्न सुरु गरिएको उहाँको भनाइ छ । आज बिहान सवा ११ बजे सुन्दर फेवातालको किनार बाराहीघाटमा पोखरालाई नेपालको पर्यटकीय राजधानी घोषणा गर्ने कार्यक्रम रहेको छ । घोषणासभामा सहभागी हुन प्रधानमन्त्री पुष्पकमल दाहाल प्रचण्ड हिजै पोखरा आइसकेका छन् । त्यसअघि लेकसाइडस्थित बसुन्धरा पार्कबाट ¥याली सुरु भइ कार्यक्रमस्थलमा पुगी औपचारिक कार्यक्रममा परिणत हुनेछ ।
