काभ्रे,
काठमाडौँसहितका स्थानमा आज पनि बिहानैदेखि वर्षा भइरहेको छ । पश्चिमी न्यून चापीय प्रणाली तथा भारतको विहार आसपास रहेको न्यून चापीय प्रणालीको प्रभावले हिजोदेखि वर्षा भइरहेको छ । मौसमविदहरुले शनिबारसम्मै देशका अधिकांश स्थानमा बदली र वर्षाको सम्भावना रहेको बताएका छन् । बुधबार र बिहीबारको तुलनामा शुक्रबार मौसममा थोरै सुधार आउने े जल तथा मौसम विज्ञान विभागको मौसम पूर्वानुमान महाशाखाले जनाएको छ । आगामी दुई दिनसम्म वर्षाको सम्भावना रहेको मौसमविद सञ्जीव अधिकारीले जानकारी दिनुभयो बताउनुभयो । तीन दिनपछि पनि नयाँ मौसमी प्रणाली भित्रिने भएकाले निरन्तर वर्षाको सम्भावना रहेको उहाँले बताउनुभयो ।
पश्चिमी न्यूनचापीय प्रणाली र स्थानीय वायुको मिश्रति प्रभावले मंगलबार रातिदेखि नै नेपालका पूर्व र मध्य भागमा बदली र वर्षा हुँदै आएको छ । बुधबार दिनभरजसो पानी परेको थियो । यो क्रम आज बिहीबार पनि जारी रहने मौसमविदले बताएका छन् ।
