कात्तिक २३,
२०७७,काभ्रे/

काभ्रे जिल्लाको खानिखोला गाउँपालिका विद्यालयहरुलाई नेपाली कांग्रेसका नेता एवं संविधान सभा सदस्य तिर्थ लामाले स्वास्थ्य सामग्री वितरण गरेका छन् । शनिबार नेता लामाले गाउँपालिकाका ३ विद्यालयलाई सामग्री हस्तान्तरण गर्दै अन्य विद्यालयहरुमा पनि स्वास्थ्य सामग्री पठाएका हुन् ।

स्वास्थ्य सामग्रीहरुमा सेनिटाईजर, मास्क र साबुन रहेको थियो । दशैँ सकिए लगतै विद्यालयहरुले स्वास्थ्य सुतर्कता अपनाउँदै शैक्षिक क्रियाकलाप संचालन गर्ने तर्फ अघि बढेको कुरालाई मध्येनजर गर्दै विद्यालयलाई सो सामग्री पठाएको नेता लामाले बताए । कारोना महामारीले गर्दै सम्पुर्ण शैक्षिक गतिबिधिहरु ठप्प भईरहेको अवस्थामा अवको दिनमा स्वास्थ्य सुरक्षाहरु अपनाई शैक्षिक क्रियाकलापहरु संचालन गर्नुपर्ने उनले बताए । बालवालिकाको शिक्षाको निमित्त आगामि दिनमा आवश्यक सहयोग गर्दै जाने उनले प्रतिवद्धता व्यक्त गरेका छन् ।

स्वास्थ्य सामग्री हस्तान्तरण कार्यक्रममा नेपाली कांग्रेस काभ्रे क्षेत्र नं १ प्रदेश सभा ‘क’ को सभापति राम योन्जन, महासमिति सदस्य शार्किमान लामा, काभ्रे क्षेत्र नं १ को सचिव गुणराज मोक्तान, प्रदेश सदस्य बुद्धराज मोक्तान लगायतका नेताहरू उपस्थित थिए ।

Facebook Comments