काभ्रे,
आजबाट बागमती प्रदेशमा नेपाल र तामाङ भाषा सरकारी कामकाजमा प्रयोग हुने हुने भएको छ । आजबाट औपचारिक रूपमा सरकारले जारी गरेको प्रदेश सरकारी कामकाजी भाषा ऐन २०८० कार्यान्वयन हुँदैछ । यी दुई भाषालाई सरकारी कामकाजको भाषा बनाइएको खुसीयालीमा प्रदेश सरकारले आज सार्वजनिक विदा दिएको छ । २०८० असोज २२ मा बागमती प्रदेशसभाबाट ‘प्रदेश सरकारी कामकाजको भाषा सम्बन्धमा व्यवस्था गर्न बनेको ऐन, २०८०’ पारित गरिएको थियो । कात्तिक २३ गते प्रदेश राजपत्रमा प्रकाशित भएको थियो ।
राजपत्रमा प्रकाशित भएको १ सय ८० औँ दिनमा ऐन कार्यान्वयनमा जाने कानुनी व्यवस्था रहेकाले आजबाट ऐन कार्यान्वयनको घोषणा गर्न लागिएको हो । संस्कृति, पर्यटन तथा सहकारी मन्त्रालयले बिहान ९ बजे काठमाडौँको वसन्तपुरमा औपचारिक कार्यक्रम गरी ऐन कार्यान्वयनको घोषणा गर्ने तयारी गरेको छ ।
