पुस ४,
२०७७,काभ्रे/

काभ्रे जिल्लामा थप एक जनाको कोरोना संक्रमणका कारण मृत्यु भएको छ । स्वास्थ्य कार्यलय काभ्रेका अनुसार मृत्यु हुनेमा बनेपा नगरपालिकाका ६९ वर्षीय पुरुष रहेका छन् । उनको उपचारको क्रममा धुलिखेल अस्पतालमा पुस ३ गते मृत्यु भएको स्वास्थ्य कार्यलय काभ्रेका प्रमुख डा.नरेन्द्र कुमार झाले जानकारी दिए । मृतकमा मंसिर २६ गते कोरोना संक्रमण पुष्टि भएको थियो । योसँगै जिल्लामा कोरोना संक्रमणका कारण मृत्यु हुनेको संख्या ४२ पुगेको छ ।

यस्तै जिल्लामा आज थप ७ जनामा कोरोना संक्रमित थपिएका छन् भने २ जना कोरोना संक्रमणमुक्त भएको कार्यालयले जनाएको छ । आज थपिएका संक्रमितमध्ये बनेपा नगरपालिकाबाट ३ जना महिला, धुलिखेल नगरपालिकाबाट ३ जना महिला र नमोबुद्ध नगरपालिकाबाट १ जना पुरुष गरी जिल्लामा आज थप ७ जनामा कोरोना संक्रमण पुष्टि भएकोे कार्यालयका प्रमुख डा.नरेन्द्र कुमार झाले बताए ।

उनका अनुसार योसँगै जिल्लामा कोरोना संक्रमितको संख्या ३१ सय ६३ पुगेको छ । त्यस्तै जिल्लामा अहिले १ सय ४ जना सक्रिय कोरोना संक्रमित रहेको कार्यालयको जनाकारी छ । कुल संक्रमित संख्यामध्ये जिल्लाका ३ हजार १७ जना संक्रमणमुक्त भएका छन्

Facebook Comments