काभ्रे,
काभ्रे उद्योग वाणिज्य संघको ४२ औं बार्षिक साधारणसभा एवं अधिवेशनबाट अध्यक्ष पदमा प्रताप वैद्य निर्वाचित हुनुभएको छ । हिजो (शनिबार) भएको निर्वाचनको अन्तिम मतपरिणाम अनुसार अध्यक्षमा ४८७ मत सहित प्रताप वैद्य निर्वाचित हुनुभएको हो । अध्यक्ष पदमा तीन जनाको उम्मेदवारी रहेकोमा दुई जनालाई पराजित गर्दै बैद्य निर्वाचित हुनुभएको हो । वैद्यका प्रतिस्पर्धी राजन मानन्धरले ४५७ र बसन्त नारायण भोछिभोयाले ११७ मत प्राप्त गरेका छन् । त्यस्तै बरिष्ठ उपाध्यक्षमा रबिन्द्र बैदार ६४३ मत सहित विजयी हुदाँ ग्रुबेन तौजलेले ४०२ मत प्राप्त गर्नुभएको छ ।
दुई जना उपाध्यक्षमा सुरेस भक्त भोछिभोया र उमेश शाक्य विजयी भएका छन् । विकास शर्मा तिमल्सिना र राजेन्द्र जोशीलाई पराजित गर्दै उनिहरू विजयी भएका हुन् ।
महासचिव पदमा रजित पलाञ्चोके विजयी भएका छन् । पलाञ्चोकेले ५६९ मत प्राप्त गरेका छन् भने प्रत्यासी यशकुमार रञ्जितले ४६५ मत प्राप्त गरेका थिए ।
त्यस्तै कोषाध्यक्षमा मानकाजी प्रधान, मुख्य संयोजक विज्ञा द्यौगेडा, सचिवमा कृष्ण लाल श्रेष्ठ, सहसचिवमा राजकुमार श्रेष्ठ, सहकोषाध्यक्षमा श्यामकुमार भालु (मुनाल) र सह मुख्य संयोजकमा रवि तौजले विजयी भएका छन् ।
कार्यसमिति सदस्यहरूमा हरिषचन्द्र अधिकारी, निर्दोष पलाञ्चोके, रोशन खुप्पा श्रेष्ठ, राजनबहादुर ढकाल, रहदेव पोटे, सुजन मानन्धर, राजेन्द्र पसछे, नरेस राज कायस्थ, गौतम मानन्धर र सुमन चौप्रधान निर्वाचित भएका छन् । १२ सय ५१ मतदाता रहेको काभ्रे उद्योग वाणिज्य संघको निर्वाचनमा ११ सय १२ जनाले मतदान गरेका थिए ।
