काभ्रे,
काभ्रे जिल्लाको बनेपामा चण्डेश्वरी जात्रा मनाउने क्रममा झडप हुँदा घाइते भएका युवाको उपचारका क्रममा निधन भएको छ । जेठ ११ गते राति ८ः३० बजे बनेपा तिनधारामा दुई समूहबीच झगडा हुँदा स्थानीय २३ वर्षका सुबिन मानन्धरलाई बनेपा– ९ का २४ वर्षीय सुरज खड्गीले रथको चुकुल प्रहार गर्दा सुबिन गम्भिर घाईते बनेका थिए ।
मानन्धरको अन्नपूर्ण अस्पतालमा उपचार गराइरहेका थिए भने उनको आज बिहान उपचारको क्रममा मृत्यु भएको अस्पतालले जनाएको छ । रथको चुकुल प्रहार गर्ने सुरज खड्गीलाई पक्राउ गरी उनीविरुद्ध जिल्ला अदालतबाट म्याद थप गरी ज्यान मार्ने उद्योगमा अनुसन्धान जारी रहेको प्रहरीले जनाएको छ ।
