काभ्रे,
काभ्रे जिल्लाको बेथानचोक गाउँपालिकामा अंग्रेजको आक्रमणबाट उपत्यका बचाउन बनाइएको महत्वपूर्ण गढी भेटिएको छ । त्रिवि नेपाली इतिहास संस्कृति तथा पुरातत्व केन्द्रीय विभागकी सहप्रा.डा. सन्ध्या खनाल पराजुलीको नेतृत्वमा भएको अध्ययनबाट बेथानचोकमा उपत्यकामा युद्ध रोक्नका लागि निर्माण गरिएको महत्वपूर्ण सहायक गढी भेटिएको हो ।
शुक्रबार गाउँपालिकाको ५ वडा नम्बरमा स्थित कपेर महांकाल गढीमा आयोजित अन्तरक्रिया कार्यक्रममा
इतिहासकार एवं पुरातत्वविद्हरूले यो गढी सामरिक र रणनीतिक रूपमा महत्वपूर्ण रहेको बताएका छन् ।
यो गढीमा गोरखाली सेना र सेनवंशी सेनाबीच युद्ध भएको र तामाङ सेनाहरू सो युद्धमा सहभागी भएको भेटिएको छ ।
