काभ्रे,
आइसिसी ट्वान्टी–२० विश्वकप अन्तर्गत दक्षिण अफ्रिकाविरुद्धको रोमाञ्चक खेलमा नेपाल १ रनले पराजित भएको छ। आज बिहान सम्पन्न खेलमा नेपाल एक रनले पराजित भएको हो। योसँगै नेपालको सुपर एटमा पुग्ने सम्भावना समाप्त भएको छ।
वेस्ट इन्डिजमा दक्षिण अफ्रिकाले दिएको एक सय १६ रनको लक्ष पछ्याएको नेपालले २० ओभरमा ६ विकेट गुमाएर एक सय १४ रन मात्र बनाउन सकेको थियो ।
अब नेपालले समुह चरणको अन्तिम खेलमा सोमबार बंगलादेशसँग खेल्नेछ । नेपाल पहिलो खेलमा नेदरल्यान्ड्ससँग पराजित भएको थियो । यस्तै वर्षाका कारण श्रीलङ्कासँगको खेल सम्भव नभए पछि नेपालले अङ्क बाँडेको थियो । दक्षिण अफ्रिका प्रतियोगिताको अन्तिम ८ मा पुगिसकेको छ ।
