काभ्रे,
बीपी राजमार्ग अन्तर्गत काभ्रे जिल्लाको नमोबुद्ध नगरपालिका वडा नं ७ भकुण्डेबेशीमा बोलेरो गाडीको ठक्करबाट एक बृद्धको मृत्यु भएको छ । हिजो राति ९ बजेर ४५ मिनेटको समयमा भकुण्डे स्थित बुद्ध चोकमा भकुण्डेबाट कटुन्जे तर्फ जाँदै गरेको बा १ च २४९६ नम्बरको बोलेरो गाडीले स्थानीय ८४ वर्षीय शेरब लामालाई ठक्कर दिएको थियो ।
ठक्कर बाट जटिल अवस्थमा पुगेका लामालाई उपचारका लागि धुलिखेल अस्पताल लगीएको थियो । लामालाई चिकित्सकले राती ११ बजे मृत घोषणा गरेका थिए । प्रहरीले ठक्कर दिने बोलेरोका चालक र बोलेरोलाई नियन्त्रणमा लिएको छ ।
