काभ्रे,
काठमाडौं विश्वविद्यालयको दिक्षान्त समारोहमा सहभागी हुन काभ्रेको धुलिखेल आउँनुभएका प्रधानमन्त्री केपी ओली सवार हेलिकप्टर बिग्रिएपछी अर्को हेलिकप्टर बोलाएर काठमाडौं फर्किनुभएको छ । धुलिखेलस्थित काठमाडौं विश्वविद्यालयको २९ औं दिक्षान्त समारोहमा सहभागी हुन आउँनुभएको उहाँ सवार नेपाली सेनाको हेलिकोप्टर बिग्रेपछी अर्को हेलिकप्टरमा काठमाडौं फर्किनुभएको हो । एन ए ०६७ कलसाइनको हेलिकप्टर चढेर प्रधानमन्त्री ओली काभ्रे आउँनुभएको थियो ।
समारोहमा पुगेपछि हेलिकप्टरको पंखामा समस्या देखिएको थियो । उक्त हेलिकप्टर प्राविधिक बोलाएर मर्मत गरीएको थियो । प्रधानमन्त्री ओलीले धुलिखेल अस्पतालको हेलि प्याडबाट नेपाली सेनाको एम आई १७ हेलि बाट काठमाडौ फकिनुभएको हो । उहाँले काभ्रेको धुलिखेलस्थित काठमाडौँ विश्वविद्यालयले नेपालमा पहिलो पटक ल्याइएको ‘हाइड्रोजन कार’ र रिफ्युलिङ प्रणालीको शुभारम्भ गर्नुभएको थियो ।
