काभ्रे,
काभ्रेको धुलिखेलमा निर्माण गरिएको महामानव वि.पी.कोइरालाको प्रतिमा अनावरण गरीएको छ । आज नेपाली कांग्रेसका सभापति शेरबहादुर देउवाले धुलिखेल अस्पताल चोकमा निर्माण गरिएको वि.पी.कोइरालाको प्रतिमा अनावरण गर्नुभएको हो । अब देउवाले र्यालीसहित धुलिखेल नगरपालिका सभाहलमा पुगेर औपचारिक समारोहलाई सम्बोधन गर्नुहुने कार्यक्रम रहेको छ ।
२०७१ सालमा नेपाली कांग्रेसका तत्कालिन महामन्त्री कृष्णप्रसाद सिटौलाले शिलान्यास गर्नुभएको प्रतिमाको ९ बर्षपछि असोज ५ गते आज अनावरण गरिएको हो । ढलौटबाट बनेको प्रतिमाको लागत १५ लाख रुपैयाँ छ ।
कार्यक्रममा नेपाली कांग्रेसका नेता एवं वि.पी . पुत्र शसांक कोइराला, केन्द्रीय सदस्यहरु मोहन बहादुर बस्नेत, शिवप्रसाद हुमागाई, उमेश श्रेष्ठ, मधु आचार्य, गणेश लामा, जिल्ला सभापति तीर्थ लामा, नेपाली कांग्रेसका नेता, कार्यकर्ता, शुभेच्छुक तथा शुभचिन्तक लगायतको सहभागिता रहेको छ ।
