काभ्रे,
काभ्रे जिल्लाको बनेपामा विदेशी नागरिक लुटपाट गर्ने तीन जनालाई प्रहरीले नियन्त्रणमा लिएको छ । हिजो (मंगलबार) साँझ बनेपा नगरपालिका वडा नम्बर ६ भ्युटावर स्थित १६ सय सिँढीको बाटोमा चक्कु देखाएर विदेशी नागरिकलाइ लुटपाट गरेका उनीहरुलाई जिल्ला प्रहरी कार्यालय काभ्रेले पक्राउ गरेको हो ।
पक्राउ पर्नेहरुमा नवलपरासी जिल्ला घर भइ हाल जिल्ला बनेपा–६ स्थित सान फर्निचरमा काम गर्ने २० वर्षीय हरी चौधरी, रामेछाप जिल्लाको सुनापाती गाउँपालिका घर भइ हाल बनेपा–९ जनागाल बस्ने १७ वर्षीय सन्देश जैरु र पनौती नगरपालिका वडा नम्बर ९ सुनथानका १६ वर्षीय उज्वल दाहाल रहेका छन् ।
धुलिखेल अस्पतालमा इन्टर्नसिपमा आएका इटालियन नागरिक अन्दाजी २८ वर्षकी मार्टिन र जर्मनीका नागरिक अन्दाजी वर्ष २६ की एलेक्स जेन्ड्रा हिजो साँझ घुम्न निस्केको समयमा उनीहरुको समुहले लुटपाट गरेका थिए ।
पक्राउ परेका उनीहरूले विदेश नागरिकको साथबाट आइफोन १ थान, स्मार्ट घडी १ थान, डेबिड कार्ड १ थान र क्रेडिट कार्ड १ थान लुटेका थिए । प्रहरीले सूचना प्राप्त हुने बित्तिवित्तकै लुटपाटमा संलग्न व्यक्तिहरुलाई बनेपा–७ उग्रचण्डि पेट्रोलपम्प पछाडीबाट नियन्त्रणमा लिएको प्रहरीले जनाएको छ । यस बिषयमा प्रहरीले थप अनुसन्धान गरिरहेको छ ।
