काभ्रे,
आज बागमती सहित ३ प्रदेशका केहि स्थानमा मध्यम बर्षाको सम्भावना रहेको मौसम पूर्वानुमान महाशाखाले जनाएको छ । देशभर मनसुनी वायुको प्रभाव रहेको र पूर्वी तथा मध्य भागमा बंगलादेश आसपासको क्षेत्रमा बनेको न्यून चापीय प्रणालीको आंशिक प्रभाव रहेकाले आज दिउँसो बागमती, कोसी र गण्डकी प्रदेशका थोरै तथा बाँकी प्रदेशका एकदुई स्थानमा मेघ गर्जन र चट्याङ्गसहित हल्कादेखि मध्यम खालको पानी पर्ने सम्भावना रहेको मौसम महाशाखाले जनाएको छ ।
मौसमविद् गोविन्द झाले कोशी प्रदेशका एकदुई स्थानमा आज ठूलो पानी पर्नसक्ने सम्भावना रहेको तर आज रातिदेखि ठूलो पानी पर्ने क्रम घट्दै जाने जानकारी दिनुभयो ।
त्यस्तै राति बागमती कोसी र गण्डकी प्रदेशका थोरै तथा बाँकी प्रदेशका एक दुई ठाउँमा चट्याङ्गसहित हल्कादेखि मध्यम खालको पानी पर्ने सम्भावना रहेको महाशाखाले जनाएको छ । नेपालबाट मनसुन नबाहिरिएको तथा स्थानीय वायु सक्रिय हुनसक्ने भएकाले हल्कादेखि मध्यम वर्षा भने अझै केही दिन हुनसक्ने महाशाखाले पूर्वानुमान गरेको छ ।
