काभ्रे,
रोशी गाउँपालिका वडा नं. ३ का बाढीपिडितलाई राहत वितरण गरीएको छ । रोशी उद्योग बाणिज्य संघको समन्यवन, रोशी गाउँपालिका तथा वडा न ३ को उपस्थितिमा लायन्स क्लव अफ काठमाडौँ फेलोसिप ३२५ एफ नेपालले बाढी पहिरोबाट घरबार विहिन बनेका ५४ परिवारलाई राहत वितरण गरेको हो ।
राहतमा किचेन सामग्रीहरुः थाल, कराई, डेक्ची, पन्यू डाडु, बाल्टी, मग, पानी पिउने बोतल, खाद्याान्नहरूमाः दाल, चामल, चिउरा, गेडागुडी, चिनी, चियापती र लत्ताकपडाहरुमाः महिला पुरुषका लागि सर्ट, पाईन्ट, टिसर्ट, टाउजर, तावल, गलबन्दी ज्याकेट, गम्सा, हाफपाईन्ट, टोपी, पञ्जा, व्याग, ब्ल्यांकेट, डसना, तकिया लगायत गरेर ९ लाख ५० हजार बराबरको राहात सामग्री वितरण गरीएको थियो ।
राहत सामग्री वितरणका लागि क्लवका तर्फबाट चार्टर प्रेसिडेन्ट कृष्ण ज्योति शाक्यको टिम र रोशी उद्योग वाणिज्य संघको तर्फबाट अध्यक्ष मनिष वलको टिम शिखर पुगेका थिए । साथै स्वास्थ्य चौकीका लागि औषधी र महिला तथा बालबालिकाका लागि लत्ताकपडा पनि हस्तान्तरण गरीएको छ ।
राहत वितरण गर्नुहुदै प्रेसिडेन्ट शाक्यले बाढी पिडितको घाउमा मलम लगाउन राहत लिएर आएको बताउनुभयो । त्यसैगरी संघका अध्यक्ष मनिष वलले बाढी पिडितको अवस्था देखेपछि राहतको पहल गरीएको बताउनुभयो । रोशी उद्योग वाणिज्य संघ भर्खरै स्थापना भएको कारण दाताहरूलाई पहल गरेर भएपनि पिडितको घाउमा मल्हम लगाउन कोशिस गरेको उहाँको भनाई छ ।
राहत वितरण कार्यक्रममा वडा नं. ३ का वडा अध्यक्ष, लाईन्स क्लवका क्लस्टर चिफ लक्ष्मी महत, डिस्ट्रिक्ट सहसचिव सरस्वती श्रेष्ठ, क्लव प्रेसिडेन्ट हिरा आले, पास्ट ट्रेजर शुसिला श्रेष्ठ र चण्डीका श्रेष्ठ उद्योग वाणिज्य संघबाट महासचिव विकास लामा, कोषाध्यक्ष चन्द्र लामा र सदस्य लक्ष्मी वाईबा लगायतको सहभागिता रहेको थियो ।
