काभ्रे,
रोशी गाउँपालिका वडा नं ८ मा सञ्चालन भएको एक दिने निःशुल्क स्वास्थ्य शिविरबाट ६ सय १४ जना नागरिकहरुले स्वास्थ्य सेवा प्राप्त गरेका छन् । ग्रेस नेपालको आयोजना, अप्टिमिस्ट इन्टरनेशनलको सह आयोजना, क्युबेक नेपाल क्यानाडाको आर्थिक सहयोग एवम् के एम सि हस्पिटल सिनामङ्गल काठमाडौको प्राबिधिक सहयोगमा हिजो (सोमबार) रोशी ८ स्थित इन्द्रोदय आधारभुत विद्यालयमा एक दिने बृहत्त निःशुल्क स्वास्थ्य शिविर सञ्चालन भएको थियो ।
नेपाल स्वास्थ्यकर्मी महासंघसँगको सहकार्यमा आयोजित शिविरको वडा कार्यालय र स्थानीय समाजसेवी युवाहरुले ब्यवस्थापन गरेका थिए । शिविरबाट ६ सय १४ जना नागरिकहरुले सेवा स्वास्थ्य सेवा लिएका छन् ।
शिविरमा ७० जनाले जनरल, बाल रोग ४३, हाडजोर्नी ६०, सर्जरी ७०, नाक कान घाटी ४५, दन्त रोग ४३, आँखा ५०, इ सि जि ४०, स्त्रीरोग ५०, भिडियो एक्सरे ७० र ल्याब टेस्ट ६६ गरी विभिन्न सेवा लिनेहरुका संख्या ६ सय १४ जना रहेको बताईएको छ ।
