काभ्रे,
काभ्रे जिल्लाको रोशी गाउँपालिका वडा न ३ भन्ज्याङकी ६६ बर्षीय माइली लामाको आफ्नै घरभित्र रगतमा लतपतिएको अवस्थामा शव फेला परेको छ । खहरेपागु प्रहरी चौकीको अनुसार आज रोशी–३ भन्ज्याङकी ६६ बर्षीय माइली लामा आफ्नै घरमा मृत अवस्थामा फेला परेकी हुन ।
रगतमा लतपतिएको अवस्थामा रहेको महिलाको हत्या भएको हुनसक्ने स्थानीय मनिष बलले जानकारी दिनुभयो । अनुसन्धानको लागि इलाका प्रहरी कार्यालय मंगलटारबाट प्रहरी निरीक्षक कृष्ण गिरिको कमाण्डमा प्रहरी घटनास्थल तर्फ जादैै छ । मृतक लामाको ३ छोरा र तीन छोरी भएपनी मृतक दम्पती मात्र त्यहा बस्ने गरेको स्थानीय बलले जानकारी दिनुभयो । थप विवरण आउन बाकि छ ।
