काभ्रे,रेडियो रोशी,
रेयुकाइ आँखा अस्पताल बनेपाले रोशी गाउँपालिका वडा नं.७ स्थित रोशी मा.वि का सम्पूर्ण विद्यार्थीहरु तथा शिक्षकहरुको निःशुल्क आँखा परीक्षण गरेको छ । आज रेयुकाई आँखा अस्पतालको सहयोग एवम् रोशी माध्यमिक विद्यालयको समन्वयमा बिद्यालयमा अध्ययनरत सम्पूर्ण विद्यार्थी तथा १७ जना शिक्षकहरुको आँखा परीक्षण गरीएको हो ।
१०४ जना छात्रा र ९४ जना छात्र गरी १९८ जना विद्यार्थीहरु र बिद्यालयका १७ जना शिक्षक स्टाफ गरी २१५ जनाको आँखा परीक्षण गरीएको हो । जसमध्ये १७ जना विद्यार्थीहरूमा आँखामा समस्या देखिएको छ । उनीहरुलाई थप उपचारको लागी रेयुकाइ आँखा अस्पताल बनेपा रिफर गरिने बिद्यालयका प्र.अ रामसरण सिग्देलले रेडियो रोशीलाई जानकारी दिनुभयो ।
आँखामा समस्या देखिएका विद्यार्थीहरूलाई थप उपचारको लागी उनीहरुको अभिभावक सँग सम्पर्क गरेर बिद्यालयकै बसमा रेयुकाइ आँखा अस्पताल पठाईने पनि उहाँले बताउनुभयोे ।
