काभ्रे,
रोशी गाउँपालिका अध्यक्ष दिनेश लामाले रोशी गाउँपालिकाका नागरिकहरु शिक्षित भएमा मात्र समृद्ध रोशी निर्माण गर्न सकिने बताउनुभएको छ । हिजो (मंगलबार) रोशी–१० वाल्टिङमा अवस्थित पञ्चकन्या माद्यामिक विद्यालयको ७५औं बार्षिकोत्सवमा अध्यक्ष लामाले यस्तो बताउनुभएको हो ।
अध्यक्ष लामाले पञ्चकन्या माद्यामिक विद्यालय डाडापारी क्षेत्रको शैक्षिक बिकासमा महत्वपूर्ण भुमिका खेलेको बताउनुभयो । तत्कालीन समयमा डाडापारी क्षेत्रको १० गाउँ बिकास समितिको अधिकाङ्स क्षेत्रलाइ यहि विद्यालयले शैक्षिक योगदान दिएको उहाँकोे भनाइ छ । रोशीका नागरिक शिक्षित भएमा मात्र समृद्ध रोशी निर्माण गर्न सकिने बताउनुहुदै गाउँपालिकाले शैक्षिक क्षेत्रलाई महत्वका साथ कार्यक्रम गर्दै आएको उहाँको भनाई छ ।
विद्यार्थीहरुको लागि गुणस्तरीय शिक्षा प्रदान गर्न कुनै कसर नराखी लाग्न शिक्षकहरुलाइ अनुरोध गर्नुहुदै गाउँपालिकाले विद्यालयलाइ गर्नुपर्ने सहयोग सदैव गर्ने कुरामा गाउँपालिका अध्यक्ष लामाले जोड दिनुभयो ।
हिजो (मंगलबार) पूर्वमन्त्री समेत रहनुभएका बागमती प्रदेश सभा सदस्य तिर्थ लामाको प्रमुख आतिथ्यतामा विद्यालयको ७५औं बार्षिकोत्सव सम्पन्न भएको थियो । प्रमुख अतिथी लामाले पञ्चकन्या माद्यामिक विद्यालयले ग्रामीण भेगका शिक्षामा अग्रणी भूमिका खेलेको बताउनुभयो । समाज परिवर्तनको आधार शिक्षा भएकोले गुणस्तरीय शिक्षा प्रदानको लागि आवश्यक जुनसुकै सहयोग गर्न आफू तयार रहेको सभासदसमेत रहेका साङ्सद लामाले बताउनुभयो ।
कार्यक्रममा विद्यालयका प्रधानाध्यापक रामचन्द्र घिमिरेले विद्यालयको शैक्षिक प्रतिवेदन प्रस्तुत गर्नुभएको थियो । विद्यालयको ७५औं बार्षिकोत्सवको अवसरमा खेलकुद पुरस्कार,अक्षयकोष पुरस्कार वितरण, अभिभावक भेला तथा बृहत साँस्कृतिक कार्यक्रम भएको थियो । खेलकुद प्रतियोगितामा विजयी भाईबहिनीहरूलाई मेडल प्रदान गरिएको थियो । कार्यक्रम विद्यालय व्यवस्थापन समितिका अध्यक्ष दुधराज तामाङको सभापतित्वमा सम्पन्न भएको हो ।
कार्यक्रममा गाउँपालिकाका प्रमुख प्रशासकीय अधिकृत शिवप्रसाद भन्तना, शिक्षा शाखा प्रमुख ठाकुरप्रसाद दाहाल, इलाका प्रहरी कार्यालय मंगलटारका प्रमुख इनेस्पेक्टर कृष्ण गिरी, स्थानीय जनप्रतिनिधि लगायतको सहभागिता रहेको थियो ।
