काभ्रे,
परराष्ट्रमन्त्री आरजू राणाले काभ्रे जिल्लाका बाढी पहिरो प्रभावित ६ वटा स्थानीय तहका गर्भवती तथा सुत्केरीलाई ब्लाङ्केट वितरण गर्नुभएको छ । राणा संस्थापक अध्यक्ष रहेको सुरक्षित मातृत्व सञ्जाल महासंघ नेपालले काभ्रेपलाञ्चोक जिल्लाका बाढी पहिरो प्रभावित ६ स्थानीय तहका १ हजार ९० गर्भवती तथा सुत्केरीलाई ब्लाङ्केट वितरण गरेको हो ।
असोज १० देखि १२ गतेसम्म अविरल बर्षपछिको बाढी पहिरोमा अति प्रभावित रोशी गाउँपालिकका १ सय ५३, नमोबुद्ध नगरपालिकाका २ सय १७, पनौती नगरपालिकाका ३ सय १६, बेथानचोक गाउँपालिकाका २ सय ३०, भुम्लुका १ सय ३ र तेमालका ७१ गर्भवती तथा सुत्केरीलाई ब्लाङ्केट वितरण गरिएको हो । परराष्ट्रमन्त्री राणाले बाढी पहिरो प्रभावित ६ वटा स्थानीय तहका प्रमुखहरुलाई ब्लाङ्केट हस्तान्तरण गर्नुभएको हो ।
