काभ्रे,रेडियो रोशी,
काभ्रे जिल्लाको रोशी गाउँपालिका वडा नं.२ स्थित नारणथान चौरमा अस्थायी अस्पताल निर्माण कार्य धमाधम भईरहेको छ । गत असोज दोस्रो साता परेको अविरल बर्षापछिको बाढी पहिरोले बगाएको १० शैयाको अस्पताल WHO को ४५ लाख सहयोगमा अस्थायी रुपमा निर्माण कार्य थालिएको हो ।
निर्माणधिन अस्थायी अस्पतालको अहिले पिल्लर हाल्ने काम भईरहेको छ । दुई कोठाको अस्थायी अस्पताल निर्माण हुने बताईएको छ । अबको दुई महिना भित्रमा निर्माण कार्य सम्पन्न हुनेगरी काम भईरहेको गाउँपालिका अध्यक्ष दिनेस लामाले जानकारी दिनुभयो ।
