बैशाख १०,
२०७८,काभ्रे/

गरिबी निवारणको लागि चाईना फाउण्डेशन र राष्ट्रिय अपाङ्ग पुर्नस्थापना समाजले पाँचखाल नगरपालिकामा रहेका १७ विद्यालयका १५ सय १६ विद्यार्थीलाई झोला र शैक्षिक सामाग्री बितरण गरेको छ ।

पाँचखाल नगरपालिका र पाँचखाल उद्योग बाणिज्य संघको समन्वयमा नगरपालिका भित्रका ३४ वटा विद्यालयमा झोला र शैक्षिक सामाग्रीहरु कलर, पेन्सिल, जोमेट्रिक बस्क, कापी वितरण गरिसकिएको छ । वितरण कार्यक्रममा पाँचखाल नगरपालिकाका प्रमुख महेश खरेल, उपप्रमुख लक्ष्मी दनुवार, राष्ट्रिय अपाङ्ग पुर्नस्थापना समाजको प्रतिनिधि गौरी दाहाल, पाँचखाल उद्योग बाणिज्य संघका अध्यक्ष राजन कार्की, गरिबी निवारणको लागि चाईना फाउण्डेशनका प्रतिमा पाण्डे र ससम्बन्धित वडाका वडा अध्यक्षहरुको सहभागिता रहेको थियो ।

यस अघि गरिबी निवारणको लागि चाईना फाउण्डेशन र राष्ट्रिय अपाङ्ग पुर्नस्थापना समाजले ४२ जिल्लाका ७८ हजार ६ सय विद्यार्थीहरुलाई झोला बितरण गरिसकेको राष्ट्रिय अपाङ्ग पुर्नस्थापना समाजका प्रतिनिधि गौरी दाहालले जानकारी दिए । त्यस्तै गरिबी निवारणको लागि चाईना फाउण्डेशनले देशभर २ लाख व्याग बितरण गरिसकिएको जनाएको छ । बितरण पश्चात नगर प्रमुख महेश खरेलले समाजका प्रतिनिधि दाहाल र फाउण्डेशनका प्रतिनिधि पाण्डेलाई सहयोगको लागि धन्यवाद दिँदै मायाको चिनो हस्तान्तरण गरे । नगर प्रमुख खरेलले बालबालिकाहरुलाई ब्याग र शैक्षिक सामाग्री सहयोगले नगरमा उर्जा र उत्साह थपिएको जानकारी दिए ।

यस अघि पाँचखाल नगरपालिकामा रहेका १७ विद्यालयमा अध्ययनरत १३ सय ७२ विद्यार्थीलाई झोला र शैक्षिक सामाग्रीहरु वितरण गरिएको थियो ।

Facebook Comments Box