यश कुमार परियार–बैशाख २७,
२०७८,काभ्रे/

जिल्लामा आज (सोमबार) एकैदिन १२८ जनामा कोरोना भाईरसको संक्रमण पुष्ट भएको छ । भने ७ जना कोरोना संक्रमण मुक्त भएका छन् । स्वास्थ्य कार्यलय काभ्रेका वरिष्ठ स्वास्थ्य प्रशासक डा. नरेन्द्र कुमार झाका अनुसार थप ३ जनाको आजै मृत्यु भएको छ ।

उनका अनुसार २३ गते कोरोना पुष्टि भएको बनेपाका ४५ वर्षिय पुरुषको हिँजो साँझ शिर मेमोरीयल अस्पतालमा मृत्यु भएको हो । यस्तै १७ गते कोरोना पुष्टि भएका पनौतीका २४ वर्षिय पुरुष र २० गते कोरोना पुष्टि भएका भक्तपुरका ६५ वर्षिय पुरुषको धुलिखेल अस्पतालमा मृत्यु भएको हो । यो सँगै काभ्रेमा कोरोनाबाट मृत्यु हुनेको संख्या ९३ पुगेको छ । जसमा काभ्रेका ६५ जना छन् भने अन्य जिल्लाका २८ जना रहेका छन् ।

यस्तै आज जिल्लामा १२८ जनामा कोरोना भाईरसको संक्रमण पुष्ट भएको छ । सबैभन्दा बढी बनेपा नगरपालिकामा ४८ जना, धुलिखेल नगरपालिकामा ३७ जना, पनौती नगरपालिकामा १८ जना, पाँचखाल नगरपालिकामा ५ जना, मण्डनदेउपुर नगरपालिकामा ६ जना, नमोबुद्ध नगरपालिकामा १० जना, चौरीदेराली गाउँपालिकाका २ जना , तेमाल र भुम्लु गाउँपालिकामा १/१ जना रहेका छन् ।

यो सँगै कोरोना भाईरसको दोस्रो लहर फैलिएपछि जिल्लामा संक्रमित हुनेको संख्या १ हजार २ सय १२ पुगेको छ । सक्रिय संक्रमित १२ सय १८ मध्ये ४६ जना अस्पतालको आईसोलेसन र ११७२ जना होम आईसोलेसनमा छन् ।

Facebook Comments Box