काभ्रे,
रोशी गाउँपालिकाको वडा नं.२ मा निःशुल्क सिलाइकटाइ तालिम सम्पन्न भएको छ । हिजो (शनिबार) वडा अध्यक्ष हस्तमान लामाको प्रमुख आतिथ्यता तथा परिषदका रोशी संयोजक एवं रोशी उद्योग वाणिज्य संघका अध्यक्ष गणजित बल (मनिष) को अध्यक्षतामा तालिम समापन भएको हो ।
रोशी उद्योग वाणिज्य संघको समन्वय तथा बागमती प्रदेश प्राविधिक तथा व्यवसायिक शिक्षा एवं तालिम परिषद हेटौंडा मकवानपुरको आयोजनामा ३९० घण्टे निःशुल्क सिलाइकटाइ तालिम सञ्चालन भएको थियो । तालिममा २० जना सहभागी भएका थिए ।
सहभागीहरुले यो तालिम पाएपछि आत्मनिर्भर हुने आशा पलाएको बताउदै खुसी ब्यक्त गरेका छन् । प्रशिक्षक गिता श्रेष्ठले प्रशिक्षण दिनुभएको थियो । स्थानीयहरुको आर्थिक समृद्धि होस भन्ने उद्देश्यले तालिम सञ्चालन गरेको आयोजकले जानकारी दिएका छन् । तालिममा सहभागी प्रशिक्षार्थीहरुलाइ प्रमाणपत्र पनि प्रदान गरिएको थियो ।
