काभ्रे,
रोशी गाउँपालिका वडा नम्बर ४ महादेवटारमा अपांगता समावेशीकरण सम्बन्धि अभिमुखीकरण कार्यक्रम सम्पन्न भएको छ। स्रोत ब्यवस्थापन तथा ग्रामीण सशक्तिकरण केन्द्र, (रिमरेक) को सहजीकरण र सिबिएम ग्लोबल नेपालको साझेदारीमा सञ्चालित सहकार्य परियोजना अन्तर्गत हिजो (बिहिबार) अभिमुखिकरण कार्यक्रम गरीएको हो ।
कार्यक्रममा बोल्नुहुदै वडा अध्यक्ष तेज बहादुर मगरले हाल वडाभित्र निर्माण भैरहेका सार्वजनिक भौतिक संरचनाहरु अपांगता भएका ब्यक्तिहरुको पहुँच रहेको बताउनुभयो । वडा कार्यालय धेरै अघि निर्माण भएकाले यो भवन सबैको पहुँच युक्त नभएपनी पछिल्लो समय निर्माण भएका भवनहरु भने अपांगता भएका ब्यक्तिहरुको पहुँच युक्त रहेको उहाँको भनाई छ । वडाको भवनलाई पनि सबैको पहुँच युक्त बनाउने बारेमा छलफल चलिरहेको उहाँले भन्नुभयो । राज्यले प्रदान गर्नेे सेवा सुविधाबाट अपांगता भएका ब्यक्तिहरु बन्चित नहुन भन्नका लागि आफुहरु सतर्क रहेको उहाँले बताउनुभयो ।
त्यसैगरी रिमरेकका कार्यक्रम ब्यवस्थापक राजन गौतमले यसप्रकारका कार्यक्रमले अपांगता भएका ब्यक्तिहरुका बारे जानकारी पाउन र समाजले उनीहरु प्रति गर्ने ब्यवहारमा परिवर्तन गर्न सहयोग पुग्ने धारणा राख्नुभयो ।
सहभागिहरुलाई रिमरेकका कार्यक्रम ब्यवस्थापक राजन गौतमले सहजीकरण गर्नुभएको थियो । रोशी गाउँपालिका र नमोबुद्ध नगरपालिकामा स्रोत ब्यवस्थापन तथा ग्रामीण सशक्तिकरण केन्द्र, (रिमरेक)ले सहकार्य परियोजना सञ्चालन गर्दै आइरहेको छ ।
अभिमुखिरकण कार्यक्रममा वडा सदस्यहरु, वडाभित्र रहेका आमा समूह, महिला समूह, महिला स्वास्थ्य स्वयम सेविका, सामुदायिक वन, युवा समूह, कृषि, सहकारी समूह लगायतको सहभागिता रहेको थियो ।
