जेठ २७,
२०७८,काभ्रे/

गण्डकी प्रदेशका मुख्य मन्त्री पृथ्वी सुब्बा गुरुङले विश्वासको मत गुमाएपछि प्रतिशोधपूर्वक पक्राउ गरेका कांग्रेस नेता गणेश लामालाई रिहाई गर्न काभ्रे कांग्रेसले माग गरेको छ ।

जिल्ला सभापति मधु आचार्यले एक विज्ञप्ति जारी गर्दै अलोकतान्त्रिक ओली सरकार र विश्वासको मत गुमाएर विक्षिप्त बनेको गण्डकी प्रदेश सरकारको मिलेमतोमा लामालाई पक्राउ गरिएको प्रति घोर भत्सर्ना गरेको उल्लेख गरेका छन् ।

गणेश लामा गत आम निर्वाचनमा नेपाली कांग्रेस प्रदेश सभा क्षेत्र नं १ ख बाट उम्मेदवार रहेका थिए ।

विज्ञपितमा ‘नेपाली कांग्रेस काभ्रेका नेता गणेश लामाको अविलम्ब ससम्मान रिहाईको माग गरिएको छ । अन्यथा नागरिकको नागरिक अधिकार कुल्चने तथा कानुनी शासनको धज्जी उडाउने यस प्रकारको सर्वसत्तावादी कदम विरुद्ध सशक्त कदम चाल्न बाध्य हुने प्रष्ट गर्दछौँ’ भनिएको छ ।

Facebook Comments Box