काभ्रे,रेडियो रेशी,
काभ्रे जिल्लाको रोशी गाउँपालिकामा शैक्षिक गुणस्तर अभिवृद्धिका लागि ४ पालिका भित्रका सामुदायिक र संस्थागत बिद्यालयका प्रधानाध्यापकहरुसँग अन्तरक्रिया गरिएको छ । आज रोशी गाउँपालिका अध्यक्ष दिनेस लामाको प्रमुख आतित्थ्यता तथा शिक्षा विकास तथा समन्वय इकाई प्रमुख सविता दंगालको अध्यक्षतामा अन्तरक्रिया कार्यक्रम भएको हो ।
शिक्षा विकास तथा समन्वय इकाई काभ्रेपलाञ्चोकको आयोजनामा जिल्लाको रोशी गाउँपालिका, तेमाल गाउँपालिका, नमोबुद्ध नगरपालिका र माहाभारत गाउँपालिका भित्रका सामुदायिक र संस्थागत बिद्यालयका प्रधानाध्यापकहरुसँग अन्तरक्रिया गरिएको हो । अन्तरक्रिया कार्यक्रममा ४ पालिका भित्रको ४३ विद्यालयका प्रधानाध्यापकहरूको सहभागिता रहेको थियो ।
कार्यक्रममा बोल्नुहुदै रोशी गाउँपालिका अध्यक्ष दिनेस लामाले नेपाल सरकारको २०८५ साल भित्र अनिवार्य तथा निःशुल्क शिक्षा लागु घोषणा गरिसक्ने नीति लिएको बताएउनुहुदै सोही अनुसार रोशी गाउँपालिका घोषणा भईसकेको जानकारी दिनुभयो । निःशुल्क शिक्षामा विद्यार्थीबाट भर्ना शूल्क लिन नपाईने, मासिक पढाई शूल्क भनेर लिन नपाईने, परिक्षा शूल्क भनेर लिन नपाईने र पाठ्यपुस्तकको शुल्क नलिएमा निःशुल्क शिक्षा हुने व्यवस्था रहेको उहाँले बताउनुभयो । तर अभिभावकको सहमतीमा अभिभावकले दान दिएमा लिन पाउने व्यवस्था भएको उनले जानकारी दिनुभयो ।
त्यस्तै रोशी गाउँपालिका उपाध्यक्ष मिम बहादुर वाईवा (ज्वाला¬) ले शैक्षिक गुणस्तर अभिबृद्धिमा सबैभन्दा बढी हात प्रधानाध्यापकको हुने बताउनुहुदै अन्तरक्रियाबाट निस्किएका निष्कर्शहरु लाई शिक्षणमा लागु गरेमा मात्र गुणस्तरिय शिक्षामा टेवा पुग्ने बताउनुभयो । बिद्यालयमा पढ्ने र पढाउने मात्र नभएर बिद्यार्थीहरुको मनोबिज्ञानलाई बुझ्न जरुरि रहेको बताउनुभयो ।
रोशी गाउँपालिका प्रमुख प्रसाशकीय अधिकृत टंक बहादुर नेगीले अन्तरक्रियाको लागि रोशी गाउँपालिका रोजेकोमा आभार व्यक्त गनुभएको छ । यो अन्तरक्रिया कार्यक्रमले बिद्यालयहरुमा गुणस्तरिय शिक्षामा ठुलो योगदान पुग्ने बताउनुभयो । शैक्षिक गुणस्तर अभिवृद्धिका लागि स्थानीय, प्रदेश र संघीय तीनै तह मिलेर लाग्नुपर्ने उनको भनाई थियो । आजको यु्ग भनेको सुचना र प्रबिधिको रहेको बताउनुहुदै नयाँ नयाँ प्रबिधिहरु (एआई) कोे प्रयोग गरेर शिक्षणमा अझ फड्को मार्न सकिने बताउनुभयो ।
कार्यक्रममा प्रधानाध्यापक सक्षमता प्रारूप, २०८१ कहिले स्वीकृत भएको थियो ? प्रधानाध्यापक सक्षमता प्रारूप, २०८१ का क्षेत्र र उपक्षेत्रहरू, विद्यालय तहको हालको पाठ्यक्रम के बाट निर्देशित छ ? प्र. अ. को सक्षमता र विद्यालयको सफलताबिच कस्तो सम्बन्ध हुन्छ ? विद्यालयमा सुशासन मापन गर्ने मुख्य आधार के हो ? विद्यालय दिवाखाजा कार्यक्रमको मुख्य उद्देश्य के हो ? विद्यालय शिक्षा क्षेत्र योजनाको लक्ष्य हासिल गर्न पहिचान गरिएका मुख्य क्रियाकलाप के के हुन ? भन्ने बिषयहरुमा छलफल तथा अन्तरक्रिया गरिएको हो ।
कार्यक्रममा रोशी गाउँपालिकाका शिक्षा शाखा प्रमुख ठाकुर प्रसाद दाहाल, सामाजिक विकास संयोजक तथा रोशी–७ का वडाध्यक्ष अशोक कुमार गौतम चार वटै पालिकाका शिक्षा शाखा प्रमुख तथा कर्मचारीहरू एवम् प्रधानाध्यापकहरूको सहभागिता रहेको थियो ।
