काभ्रे,
काभ्रे जिल्लाको नमोबुद्ध नगरपालिका वडा नं ४ मा अवस्थित श्री जनक माध्यमिक विद्यालयले पढ्दै र कमाउदै कार्यको थालनी गरेको छ । शिक्षा तथा मानव स्रोत विकास केन्द्रको पढ्दै र कमाउदै कार्यक्रमको लागि विद्यालय छनोटमा परेसँगै जनक माविमा यस कार्यको सुभारम्भ भएको हो । राष्ट्रपति शैक्षिक सुधार कार्यक्रम अन्तर्गत पढ्दै कमाउदै कार्यक्रमका लागि विद्यालय सहयोग कार्यक्रममा सामुदायिक विद्यालयसँग प्रस्ताव माग गरिएकोमा श्री जनक माध्यमिक विद्यालय सो कार्यक्रमको छनोटमा परेको थियो ।
छनोटका परेका विद्यालयले पढ्दै कमाउँदै कार्यक्रम कार्यविधि, २०७८ ले व्यवस्था गरेका कृषि, पशु, वायरिङ, जडिबुट्टी खेती लगायतका कार्यक्रम सञ्चालन गर्न पाउने केन्द्रद्वारा निर्देशन बमोजिम २२ जना विद्यार्थीलाई बाख्रा, समुहगत रुपमा खेति गर्न विभिन्न समुह बनाई दस समुहलाई मौरिको घार, दस समुहलाई अदुवा साथै धेउसि भैलो छत्रवृति कोषबाट जेहेन्दार र विपन्न ४० जना विद्यार्थिहरुलाई छात्रवृत्ति वितरण गरेकोछ । बाख्राको विमा, अदुवाको लागि खेत तथा मौरि तथा अन्यका लागि आवश्यक प्राविधिक सहयोग विद्यालयले उपलब्ध गराउने, आवेदनका आधारमा हाल वितरण गरेतापनि आवश्यकता र लक्षित वर्गका आधारमा थप कार्यक्रम ल्याउने तयारी रहेको प्रधानाध्यापक प्रदिप पोख्रेलले बताउनुभयो ।
नगरपालिकाका प्रशासकिय अधिकृत श्री शिव लम्साल, नगरपालिकका सस्थापक मेयर श्री टिपि शर्मा लिमल्सिना तथा अन्य सामाजिक र शिक्षाप्रेमि, अवभिभावकहरुको उपस्थीत रहनुभएको कार्यक्रममा प्राविधिक धार तर्फका संयोजक प्रकाश सत्यालले स्वागत मन्तव्य राख्नुभएको थियो भने विद्यालय संयोजक श्री हरिहर अधिकारिले सञ्चालन गर्नु भएको थियो । विद्यालय नेपाल सरकारको मनुना विद्यालयमा छनोट परेको छ । पढ्दै र कमाउदै कार्यक्रमका लागि देशभरबाट जम्मा १४० विद्यालय छनोट गरिएको छ ।
