देबराज÷काभ्रे,
काभ्रे जिल्लाको रोशी गाउँपालिकाले जननायक वी.पी. कोइरालाको ४१ औं स्मृति दिवस बृहत वृक्षारोपण कार्यक्रम गर्दै मनाएको छ । जननायक वी.पी. कोइरालाको ४१ औं स्मृति दिवसको अवसरमा आज बिहान रोशी गाउँपालिका ९ मंगलटारको छाप देउराली मन्दिर परीसर र सोहि ठाउँको पोखरी वरपर गाउँपालिका स्तरीय बृहत वृक्षारोपण गरीएको हो । ठुलो जमुना , रुख कटहर ,अम्बा , धूपी , लहरा फुल लगायतका करिव २२० वटा बिरुवा रोपिएको नेपाली कांग्रेस रोशी गाउँपालिका कार्यसमितिका सभापति दुधराज तामाङले जानकारी दिनुभयो ।
कार्यक्रममा जिल्ला समन्वयन समिति काभ्रेका उपप्रमुख रिम बहादुर तामाङले पछिल्लो समयमा जलवायु परीवर्तनका कारण विभिन्न जटिल समस्याहरु उत्पन्न हुँदै गएको अवस्थामा जटिल समस्या समाधनाका लागि वृक्षारोपण धेरै नै महत्वपुर्ण हुने बताउनुभयो । उँहाले रोपिएका विरुवाहरुको उचित संरक्षणमा लाग्न पनि निर्देशन दिनुभएको छ ।
वृक्षरोपण कार्यक्रममा गाउँपालिका अध्यक्ष दिनेश लामा , जिसस काभ्रेका उपप्रमुख रिम बहादुर तामाङ, नेपाली कांग्रेस जिल्ला सचिव गुणराज मोक्तान , प्रतिनिधि सभा १ (ख) का सभापति निर्मल लामा , वडा अध्यक्षहरु , पुर्व वडा अध्यक्षहरु एवं सदस्यहरु , जनप्रतिनितिहरु लगायतको सहभागिता रहेको नेपाली कांग्रेस रोशी गाउँपालिका कार्यसमितिका सभापति दुधराज तामाङले जानकारी दिनुभयो ।
