काभ्रे,
काभ्रे जिल्लाको तेमाल गाउँपालिकामा एक दिने पोषण विशेष अभिमुखिकरण कार्यक्रम सम्पन्न भएको छ । तेमाल गाउँपालिको आयोजनामा गाउँपालिका भित्रका सम्पुर्ण विद्यालयका एक एक जना शिक्षकहरुलाई पोषण सम्बन्धी अभिमुखिकरण गराईएको हो । केन्द्र सरकारको कार्यक्रम अन्तर्गत गाउँपालिका भित्रका प्रत्येक विद्यालयका शिक्षकहरुलाई मेथिन्कोट हस्पीटलका डाक्टरहरुले पोषण सम्बन्धी एक दिने अभिमुखिकरण गराएका हुन् । कार्यक्रममा पोषण भनेको के हो? बालबालिकामा कुपोषण हुने कारणहरु, पोषणयुक्त खानेकुराहरुको पहिचान, बालबालिको बौदिक एवं मानसिक विकासमा पोषणयुक्त खानेकुराको भुमिका लगायतका बिषयमा शिक्षकहरुलाई अभिमुखिकरण गराइएको हो ।
गाउँपालिका अध्यक्ष चन्द्र बहादुर तामाङको प्रमुख आतिथ्यतामा भएको कार्यक्रममा उपाध्यक्ष दलमान थोकर, प्रमुख प्रशासकीय अधिकृत केदार ढकाल , सामाजिक विकास संयोजक तथा वडा नं. ७ का अध्यक्ष इन्द्र लाल तामाङ , गाउँपालिका स्वास्थ्य शाखा प्रमुख शिबहरि पाठक , विभिन्न वडाका वडा अध्यक्ष एवं वडा सदस्यहरु तथा शिक्षहरुको उपस्थिती रहेको थियो ।
