काभ्रे,
कृषिविज्ञहरुले धान भण्डार गर्दा ध्यान दिन सुझाव दिएका छन् । धान बाली विज्ञहरुका अनुसार धान थन्क्याउने सही तरिका नअपनाए, मेहनत गरेर फलाएको धान खेर जान सक्ने खतरा रहने गरेको छ । अहिले देशका धेरै ठाउँमा धान काट्ने र थन्क्याउने बेला भएको छ । यस वर्ष धान रोप्ने बेलामा पानी नपरेका कारण पोहोरभन्दा कम रोपाईँ भएको थियो । धान रोपिसकेपछि धेरै पानी परेका कारण पनि धान बालीमा असर पुगेको कृषि विभागले जनाएको छ ।
चिसो धान भण्डारण गर्दा कुहिन सक्ने सम्भावना बढी हुने कृषि विज्ञको भनाइ छ । धानको भण्डारणका क्रममा आवश्यकता अनुसार निम, असुरो लगायतको प्रयोग गर्न सकिने कृषिविज्ञ घनश्याम भण्डारीले बताउनुभयो ।
