काभ्रे,
काभ्रे जिल्लाको रोशी गाउँपालिका वडा नं ७ मा अवस्थित रोशी माध्यामिक विद्यालयमा “शारीरिक अपाङ्गता घुम्ति शिविर”सम्पन्न भएको छ । गाउँपालिका अध्यक्ष दिनेस लामाको अध्यक्षतामा “शारीरिक अपाङ्गता परिक्षण घुम्ति शिविर” संचालन गरिएको हो । रोशी गाउँपालिकाको आयोजना , अपाङ्ग बाल अस्पताल तथा पुनर्स्थापन केन्द्र बनेपाको सहयोगमा शिविर संचालन भएको हो । शिबिरमा बिशेष गरि खुट्टाको पाइताला भित्र बाहिर फर्केको, खुट्टा लुलो वा कमजोर भएको, जोर्निहरु दुख्ने वा कम्जोर भएको, औलाहरु एक आपसमा टासिएको वा धेरै भएको,आगोले पोलेर अंगहरु एक आपसमा टासिएका जस्ता समस्या भएका बिरामिहरुको उपचारका लागि शिबिर सन्चालन भएको हो ।
कार्यक्रमलाई सम्बोधन गर्दै गाउँपालिका अध्यक्ष दिनेश लामाले अपाङ्गता भनेको कसैको रहन नभई बाध्यता रहेको बताउनुभएको छ । रोशी सरकारले गाउँपालिकाभित्र रहेका फरक क्षमता भएका ब्यक्तिहरुको घरघरमै पुगेर पहिचान गरीने बताउदै यस्ता अपाङ्गता भएका वा फरक क्षमता भएका नागरिकहरुलाई पुर्नस्थापन गर्ने योजना बनाएको बताउनुभयो । यसका लागि निति तथा कार्यक्रम समेत तैयार हुँदै गरेको बताउनुभयो । त्यसैगरि उपाध्यक्ष मिम बहादुर वाईवा ज्वालाले गाउँपालिकामा हालसम्म जे जति पनि अपाङ्गता भएका छन उनीहरुको अपाङ्गता हुनुको कारण पत्ता लगाउन पहल गरिने बताउनुभयो । उँहाले अपाङ्गमैत्री गाउँपालिका बनाउन पहल भईरहेको बताउनुभयो ।
कार्यक्रममा गाउँपालिका अध्यक्ष दिनेश लामा ,उपाध्यक्ष मिम बहादुर वाईवा रोशि ७ का वडा अध्यक्ष असोक गौतम तथा अपाङ्ग अस्पतालका डाक्टर र अन्य स्वास्थकर्मीहरूको उपस्थिति रहेको थियो भने कार्यक्रम रोशी गाउँपालिका महिला बालबालिका तथा जेष्ठ नागरिक शाखा प्रमुख प्रज्वला राईले संचालन गर्नुभएको थियो ।
